Tómas Sveinsson

25.7.2007 | 08:22

Jarðgöngin

Þá er hún komin enn ein skýrslan um jarðgöng til Eyja, og er kostnaðurinn ekki nema max 80 miljarðar, þannig að nú er ekkert því til fyrirstöðu að taka upp skófluna og fara að moka, enda kostnaðurinn ekki nema eins og hálfs árs gróði Kaupþingsbanka, þannig að það á nú ekki að vera vandamál að fjármagna pakkann.
Samgönguráðherra mun leggja þetta fyrir ríkisstjórnina og er ákvörðun um næsta þrep í samgöngumálum okkar Eyjamanna að vænta á föstudaginn, og þá verður væntanlega hægt að setja í stórur skoruna um hvað á að gera, og bíður maður spenntur eftir því þó svo maður hafi ákveðnar hugmyndir um næstu ákvörðun, enda ótrúlegt hvað er búið að teygja þetta mál.

	„Bakkafjara kann að vera millileikur"
Ábyrgðarmaður færslu Tilkynna um óviðeigandi tengingu við frétt

Flokkur: Bloggar | Facebook

Athugasemdir

Jarðgöng eða ekki jarðgöng. Ég held að fólk ætti ekki að rasa um ráð fram. Það eru nokkrar tæknilegarhliðar sem þarf að leysa áður en farið er í svona framkvæmd, sem á sér ekki fordæmi. Hvernig á að loftræsta þessi göng?, hvernig á að kæla þessi göng? Hvernig verður með dælingu á lekavatni? Bergið þarna virðist ekki traust sem þýðir miklar styrkingar og þéttingar (mikill ófyrirséður kostnaður) Hver verður rekstrarkostnaðurinn?. Hver á að borga þetta (ég hef trú á því að kostnaðurinn fari langt yfir 100 millj. í bílagöngum) Ég efast um að eyjamenn taki í mál að greiða vegatoll. Fresta þarf öllum framkvæmdum í vegamálum um áratug til að fjármagna þetta ..er virkiliga ekki hægt að leysa málið á annann og hagkvæmari hátt?

Ef farið verður í göng á annað borð, sem ég get ekki séð að verði á næstu árum, væri þá hugsanlegt að nota járnbraut/lest ? Er það kanski besta lausnin.

Hún mengar ekki, eitt spor nægir, lýsing í lágmarki, loftræsting í lágmarki, þungaflutningar auðveldir, bílaflutningar auðveldir, mikill hraði og þægindi. Lítil sem engin mengun. Og aðal kosturinn er að svipuð verkefni hafa verið gerð víða um heim! Galli er að þetta kostar landrými í eyjum sem er ekki mikið fyrir, endastöð tæki líklega 3-6 hektara með öllum búnaði . Það væri hægt að nota Herjólfsdal eða hvað?

Ef trú manna er sú að hægt sé að byggja nothæf göng fyrir 20 milljarða þá legg ég til að ríkið leyfi mönnum að fara í málið og bjóðist til að kaupa göngin eftir 5 ára notkun og greiði þá þessa 20 milljarða og hæfilega vexti til. Þá er það í höndum snillinga eins og Árna Johnsen að drífa í þessu og sýna umheininum að þetta sé hægt. Ef þetta gengur ekki þá sitja snillingarnir einfaldlega uppi með skuldasúpuna :-)

Sigurður Sigurðarson (IP-tala skráð) 25.7.2007 kl. 09:22

Í sambandi við tæknilegu hliðarnar þá held ég að þær hljóti að vera inní þessari skýrslu eins og loftræsting og fóðrun ganganna, en í stórum dráttum getum við verið sammála. En í sambandi við vegatoll þá ætlumst við ekki til þess að aka frítt í gegnum göngin og svo greiðum við jafn mikinn vegaskatt og aðrir landsmenn og sjáum ekki eftir því.
En málið er ekki dautt það verður eithvað að gerast í samgöngumálum okkar Eyjamanna og það strax hvort sem það verður nýtt skip eða Bakkafjara.

Tómas Sveinsson, 25.7.2007 kl. 10:29